شاب يكتب قصة عن والدته

مدين ياسر:

⭕ قصة عن طيبة الأمهات السودانيات :

⭕️كتب احمد عباس عن والدتة :

امي دي لمن ابوي مات عليه رحمة الله كانت الاب والام في نفس واحد ما حوجتنا لي زول ولا اتزوجت تاني مع انو ده حقها كانت بتشتغل ليل نهار لاحدي ما ما اتعلمنا واشتغلنا وكبرنا وعملنا اولاد لاحدي اليوم بتقول لينا هاكم جيبو هدم العيد قسما بالله لليوم بتقول لي انت وين ومعاك منو وما تتاخر وتعال بدري وبطلع تتصل علي انت وين لليوم بخاف منها عمري ٣٠ سنه وعندي ولد ما بدخن ولا بسف ولا بشرب جبنه ولا شاي ولا شيشة لليوم لو طالع مشوار لو ما قلت ليها ماشي او اديني ازنك ما بقدر امشي امي حنينه شديدة ودمعتها قريبه امي صعبه شديد لو سمعت منها كلمة ح تقول مافي اصعب منها في الدنيا في نفس الوقت قلبها ابيض زي الاطفال امي كان بتقولي وانا عمري ١٤ سنه الراجل بصرف ع عرضو وبيتو لو شال قروش من امو او اخواتو معناها ما ح يبقى راجل امي كان بتقولي اهلك كلهم طيبين وقفو معاي بعد وفاة ابوك اوعه تقاطعهم او تسمع منهم او عليهم امي بتقولي سمعتك كان طيبة او كعبة هي البترفع قيمة نفسك و اهلك امي اول ما اما اشتغلت اول مرتب اشتريت ليها خاتم جنيه قالت لي لو فيهو قروش حرام او حق زول لا عافيه منك دنيا لا اخرة لو بي عرق جبينك ربنا يفتحها عليك فتح العارفين ويديك لامن يرضيك وعافيه منك في شيل بطني وفي لبن شطري ومن يومها ربنا كل يوم بفتحها علي اكتر ادعو ليها ربنا يحفظها لينا ويحفظ اخواتي 

لو البوست عجبك اعمل مشاركة خلونا ننشر كل جميل للناس اكيد عندكم البتحبو وتفتخرو بيهو.